18e sonj

28 novanm 2010, se te dat preske tout eleksyon nan peyi a ; li te sanble sèten paske Haïti dwe komanse jwe wòl li nan mond lan. Men rèv mwen te fè jou sa :

                Lè m' rekonèt mwen ladan l', m' wè m' te kanpe nan pakin lakayanm, m' wè m' t' ap asiste yon anbyans tankou se te yon tribinal ki tap sieje. M' te gen enpresyon te gen anpil moun nan tribinal la, men se yon sèl mwen te wè, se te yon gwo nèg nwa ki t' ap mande Jij siprèm nan pou l' prononse jijman l'. Dekò a pat bay enpresyon yon bagay, yon anbyans nan syèl, paske moun yo te gen sou yo menm rad ke nou.

Bagay sa ta tankou yon ekran televizyon ki limen, epi ta gen ti moso ladan l' ki gen fòm kare oubyen rektangilè, poutan nan ti moso sa ta gen yon tribinal k' ap syeje. Mwen pa tande anyen ki sòti kòm desizyon Jij te la pran, men tankou yon kout zèklè, gen yon gwo gwo gwo lèt H ki te sòti nan tribinal la, li te ka gen otè 7 m anviron, epi tou li te klere tankou solèy kap priye nan tout entansite. Syèl la te vrèman briyan ; distans gwo H la ki te klere tankou solèy la te fè a ka plis pase 45 mèt.

                Se tankou m' te reveye, poutan non. Men m' pral fè yon dezyèm sonj sou sa ki te pral rive nan eleksyon ki t' ap fèt nan menm jou a.

                Mwen vin wè m' m' ap adrese ak yon moun, men an reyalite m' pat wè pèsòn devan m, epi m' di : J. C. paka prezidan paske li gen yon pwoblèm avek lesyèl. Rapidman, nan sonj lan toujou, m' konkli eleksyon ap fèt si se mesye sa ki pap prezidan senpleman. Nou te plonje nan yon pakèt refleksyon paske kè n' te telman cho, nou te panse Preval sete avan dènye Prezidan nan rèy satan k' ap dirije peyi a, epi m' di an kreyòl : << Antouka, pa gen anyen ki ka sòti nan eleksyon sa yo ! >>

Haïti : Lumière des nations
Capitale politique et spirituelle du monde