4e Sonj

                Nan plis pase yon trantèn rèv mwen te fè lèzetazini, nan prizon, limyè mwen te jwenn nan sonj sa te ede m' konprann anpil 2 pitit gason preske tout labib pale sou yo, pitit David ak pitit Joseph la, kidonk diferans ant Branche ak Joshua. Mond lan konfonn yo, poutan lè sila ki pi gran nan yo 2 te pase, li te di pawòl sa :

<< [...] Pou ki sa Skrib yo ap di Christ la se pitit David, epi David limenm ap rele l' Seyè l' ; kòman l' pral fè pou l' pitit David ? >>

                Kidonk, Joshua te demanti (devan tout espri ou tout anj inkane ki te la), li se pitit David. Revelasyon sa te pwouve m' sa.

                Nan dat 9 me 2005, mwen te fè yon rèv ki te chanje tout konpreyansyon m' nan labib ; li te pouse m' reli liv sa pou yon ènyèm fwa, paske mwen pat vreman sezi dimansyon pawòl sa, ki di : << [...] Paske mwen se yon Papa pou Israël ; Ephraïm, se premye pitit gasonm >>.

                Lè m' rekonèt mwen nan sonj lan, m' te wè devan m' kòm laparans yon gason (Mwen konn wè fòm sa deja nan lòt rèv), kòl te tankou yon mas fime, epi li di m' an kreyòl : << Mwen pral montre w sa ki ekri nan liv laverite ! >>, li tounen yon paj, epi lè m' gade, te gen yon pakèt fraz ki te ekri ladan l', men se sinplemam sa, m' te li : << JÉRUSALEM = JOSEPH >>.
Sito mwen te fin li egalite sa, li te ajoute : << Tout lòt yo (tout moun an jeneral, blan, nwa oubyen klè) se adopte yo ye >>.

Epi m' reveye !

Haïti : Lumière des nations
Capitale politique et spirituelle du monde