5e sonj

                Tout kòm avan 24 me 2004, dat yo te arete m' nan, ak aprè 20 janvye 2006, dat mwen te tounen an Ayiti paske 12 manb jiri te lage m', te inosante m', mwem te konn toujou fè rèv. Men avan 24 me, m' pat tèlman ka intèprete yo. Intèval 597 jou sa akonpli yon pakèt pwofesi nan labib, epi li akonpli tou yon lòt sonj m' te fè. Peryòd 597 sa tou egal ak 12 zè mwen te jwenn nan yon lòt sonj. Papa YAH te fè m' konnen konbyen tan m' ta pral pase nan prizon nan kad batèm espri ak dife m' pou l' te pirifye ak prepare m' pou misyon m' nan mond lan.

                Mwen pa raple m' dat la paske m' pat vrèman konnen ki es mwen ye, epi nan moman sa, nan ane 2004, peyi a te cho aprè depa Prezidan Aristide ; se nan dyab mwen te ye, mwen pat nan afè Bondye ditou. Poutan Bondye li menm, li te nan afe' pa m' !

                Lè m' rekonèt mwen nan sonj lan, m' te wè m' nan pye yon gwo montay ki wo anpil ; lè m' gade, mwen wè yon mesye nwa sou tèt li. Mwen tande li di ak yon pakèt moun ki te gen rad blanch sou yo : << Men frè nou an wi yo te vle fè mal la ; erezman tout bagay fini ! >> Nan moman li t'ap di sa, mwen te wè l' sou yon estann, epi li di m' : << Monte vin pale ak frè, sè w yo ! >> San m' pa menm leve pye m' pou monte mòn nan, mwen gade m' wè m' sou estann nan, epi mwen wè yon mikro. Lè m' leve je m', mwen wè yon pakèt, pakèt moun ki te abiye an blan, epi ki souke tèt yo ansanm, vrèman ansanm, tankou yo ta vle di : Mesye ! Lè m' pran mikro a pou m' te pale avek yo, mwen te kriye plito, m' pat gentan di anyen.

Epi m' pantan nan domi an.

Haïti : Lumière des nations
Capitale politique et spirituelle du monde