13e sonj ak vizion

                Olye yon rèv sèlman, n'ap pale tou de yon vizyon, paske m' patap dòmi, se te vè 4 trè nan laprèmidi. Jou sa ki te 25 avril 2005 lan, yon gwo pwofesi te akonpli, epi tou, YAHVEH te tou kòmanse atire atansyon m' sou Haïti nan labib. Pou anpeche tout konfizyon, men vèsè ki te akonpli jou sa : YAHVEH di : << Pou m' pwotege w, m' te voye Babilòn (lakay pitit fi vièj Babilòn) Sovè w, Sila ki pi sen nan Israël la. M' pral brize tout ba fè prizon. Jwa Chaldeen yo pral tounen lamantasyon (Esaïe 43 : 14) >>.

Tout pawòl li se laverite ; vizyon sa se prèv akonplisman pwofesi sa :

                Yon aprè midi ki te 25 avril, li te ka anviron 4 trè, youn oubyen de jou avan gouvènman ameriken an te ofri m' 25 an prizon si m' dakò kolabore avèk yo, yon mirak pral chanje tout relasyon m' avek Bondye nan prizon kote m' te ye a. Mwen te fè yon vizyon, mwen te wè yon limyè ki te pral briye sou chimenm pou toujou. Pandan m' kouche sou kabann nan, nan ti chanm prizon an, mwen t'ap li labib ; mwen te vin santi m' fatige, m' te vire kòm sou bò dwat mwen paske pozisyon sa toujou pèmèt mwen wè tout sa kap pase nan lari a. Nan jou sa, mwen te wè yon bagay ke m' pat janm konn wè :

<< Mwen te wè yon kout zèklè ki fèt sou tèt yon pakèt bòs ki te nan dènye etaj yon kay ki tap konstwi ; distans ki separe mwen avèk yo a te ka youn kilomèt. Lè m' wè sa, mwen di :
<< Bon, yo pa wè sa, poukisa yo pa kouri ! >> Men, lè m' fin di sa, gen yon lòt kout zèklè ki te fèt ankò, sou bò dwat premye sak te fèt deja. Mwen kontinye ap gade, epi mwen wè : Yon gwo boul limyè ki te sòti nan syèl la k' ap desanm sou latè, li tonbe egzakteman sou tèt yon gwo kay blanch, epi li eklate ; se kòmsi gen yon moun ki sòti nan eklatman an. Mwen sezi, epi mwen di :

<< Ô, Miyami pap gen kouran aswè a >>.
                Lè m' fin wè mèvèy sa, mwen te tou rete ap gade si ap gen yon lòt ki pral fèt ankò. Mwen vin santi m' pa alèz janm te ye a, m' tounen sou do, janm te ye avan an, paske kou m' t' ap fè m' mal. Mwen annik retounen sou do, epi mwen wè yon lòt kout zèklè ki fèt nan selil la, men nan yon entansite je m' te ka gade. Mwen plonje nan meditasyon ak admirasyon mèvèy sa, m' ap reflechi sou kay te mirak sa, anpil ide te anvayi m'. Epi, lannwit vin rive, m' pran pozisyon abityèl mwen pou m' priye, li te 9 : 30 nan aswè, m' kòmanse chante : 

<< Hosana, Hosana, Hosana, au plus haut des cieux ! >>
                Pandan m'ap chante, epi mwen tande yon gwo vwa dèyè m' nan ki t'ap chante tou, li di ansanm ave m' : << Hosana, Hosana ... ! >> Mwen te pè kon chat, m' t' ap tranble, men m' pa janm oze vire gade dèyè pou m' te wè kiyès ki t'ap ede m' chante a. Tout kòm te tresayi lè m' te tande gwo vwa gason sa dèyè m' nan. Se tankou vwa yon Toro bèf k' ap gwonde. Lè m' fin priye, mwen kouche tou dousman sou kabann nan, dòmi pranm. Men sa' m te tande nan yon ti sonj tout kout, li pa long ; kòm si bouch moun nan te nan zòrèy goch mwen, m' tande l' di : << 19 >>.

Mwen pantan !

Eksplikasyon

                Nonb 19 la fè dekabès : Mwen fè 19 mwa ak 27 jou nan prizon, epi tou, nan vèsè 19, nan chapit 10, nan liv Romen an, genyen yon pwen limyè ki pral atire atansyon m' nan demen 26 sou yon ti peyi Neg anlè pral chwazi pou l' imilye Israel.

A swè a, m' ap lage 13e sonj lan ki se suit sonj ak vizion sa !

Haïti : Lumière des nations
Capitale politique et spirituelle du monde