Pèp ayisyen, tande byen (8)

Pèp ayisyen, tande byen !

Swit - 8 

(Sezaryèn nan se Salvasyon nou)

Ou nan dènye faz soufrans ou, nan youn nan ribrik sa, m' te baw limyè sou dènye epizòd feyton soufrans 2 sièk ou an, m' te diw aktè yo monte tèren epi match la kòmanse deja. Men li poko atenn nivo pou kè telespektatè nan 2 kan yo ap sote nan sousi pou konn ki yès k'ap pèdi.

Konnye a banm baw limyè sou evènman an menm, tankou Prepre ta di, limyè sou sezaryèn nan ; pa janm bliye Aprè Dye te di, y'ap sove ni manman an ni pitit la. 

Sezaryèn nan se yon dènye evènman katastwofik pwofetik ou pral viv kòm pèp, aprè sa wap konnen lapè pou letan letènite. Aloke tout nasyon nan mond lan pral boulvèse, Haiti pral nan lapè, san ankenn boulvèsman. Pami nasyon ki pral soufri anpil yo, lèzetazini ak lafrans nan tèt lis.

Eprèv komen sa, sinon sezaryèn sa, anpil ti satan sal, nanm danne nan relijyon, nan vodou, nan espirityalite malefik betize sou li, san kote ransè ak ransèz rezo sosyo k'ap bay pwofesi pou rann kou nou pi rèd nan peche pou n' pa travèse. E an verite, anpil nan nou sedwi vre paske yo se bèje tout nanm ou wè ki ap suiv yo. 

Antouka, evènman an ki pral pase an Haiti ya, se nan Syèl la l'ap sòti ; Papa YAH te pwofetize l' konsa : Tout il yo wè, epi yo pè tankou chat ! Dife pwal limen, kew nan platon, kew nan tèt mòn, wap jwenn !

Men avan sa, match la sipoze rive nan moman ki pi difisil la, sa vle di moman kote tou 2 ekip yo mete men, youn ap frape lòt fas pou fas, anpil san ; alokè espektatè yo menm ap kriye, mande Nèg anlè a mete fen nan dènye mitan match la : Anba anpil move tan, siklòn, gwo kout tonè, loray, zèklè... Match fini. Sak' pi bèl la ; tou 2 ekip ki t'ap jwe yo pèdi. Yo se te bwa dife sezaryèn nan, zouti ki te nan men doktè yo pou akouchman ti gason an (n'ap sove ni manman ni pitit).

Nan yon grenn jou, Papa YAH ap efase tout peche nou kòm pèp !

Nouvèl ekip : nouvo jwè !

Nouvel Haiti : nouvo sistèm politik (Gaukrasi / Gaucratie)

Pa okipe pyès ti betizè ni nan kò gwoup ni nan ankenn sektè politik. Pirifye tèt ou, priye pou peyi w, kidonk ede Ayiti pouse, epi tann jou J, tann minwi.

Evintz BRILLANT (31072022)